ვეგანური და
ვეგეტარიანული
სილამაზე

როგორ დაიწყო ყველაფერი?

როდესაც ანიტა როდიკმა 1976 წელს ,,ბოდი შოპი’’ დააარსა, მან პლანეტისადმი დიდი სიყვარულიც ჩაგვინერგა. ეთიკური რევოლუციის დროს მან მყარად დააფიქსირა თავისი პოზიცია კრიტიკოსების წინაშე და აიღო გეზი უფრო სამართლიანი, უფრო ლამაზი სამყაროსკენ. ის იყო სამართლიანი სათემო ვაჭრობის პროგრამისა და სისასტიკისგან თავისუფალი პრაქტიკის პიონერი. იგი ემხრობოდა გამჭვირვალობას ინდუსტრიაში, ბიზნესის შექმნის გზაზე. სწორედ ამან საფუძველი ჩაუყარა ჩვენს პრინციპებს.

ჩვენ დღემდე ვცდილობთ ანიტას მისიის შესრულებას: გადამუშავებული პლასტმასას შეფუთვის შემოღებიდან დაწყებული, სამართლიანი სათემო ვაჭრობის ხანგრძლივი გლობალური პროგრამის შექმნით დამთავრებული. ჩვენ ყოველთვის ვფიქრობთ იმაზე, თუ როგორ ვაქციოთ სამყარო უკეთეს ადგილად.

ამჟამად ჩვენი პროდუქტის ფორმულების 100% ვეგეტარიანულია, 60% კი - ვეგანური. ახლა ჩვენ ამის გაუმჯობესებაც გვსურს - 2023 წლის ბოლოსთვის ჩვენი ფორმულების მთელი პორტფელი სერტიფიცირებული იქნება ვეგანური საზოგადოების მიერ.

რატომ არის ეს მნიშვნელოვანი?

პროდუქტების შემადგენლობის სრულად გავეგანურება რთული პროცესია, მით უმეტეს, როცა სილამაზის ინდუსტრია ძალიანაც არ ჩქარობს შესაბამისი ზომების მიღებას.

ინგრედიენტები შეიძლება დამაბნეველი იყოს, ამიტომ ჩვენ ყოველთვის ზუსტად ვწერთ შემადგენლობის აღწერას, რათა მომხმარებელი მშვიდად გრძნობდეს თავს.

ჩვენთვის ვეგანური მოგზაურობა არასდროს ყოფილა ტენდენცია, ეს უბრალოდ აუცილებელი გზაა, რომელიც არც ძვირადღირებულია და არც ექსკლუზიური. თანაც ეს ეხება ცხოველთა ცხოვრების პატივისცემასა და ცოცხალი არსებების უპირობო სიყვარულს.

ჩვენი გუნდების შრომისმოყვარეობის, კრეატიულობისა და ერთგულების წყალობით ჩვენ უკვე დიდი შედეგები გვაქვს და ამ ეთიკურ პრობლემას უფრო და უფრო ეფექტიანად გადავჭრით.

ჩვენი დაპირება

როდესაც დაპირებებს ვიძლევით, გვინდა ზუსტად ვიცოდეთ, რომ შევძლებთ მათ შესრულებას. ვეგანური სერტიფიკატის მიღება ჩვენი ზომის კომპანიისთვის მარტივი არ არის, მაგრამ ჩვენ ნამდვილად ვცდილობთ ამის მიღწევას. ეს კი მოითხოვს ფრთხილ დაგეგმვას. უნდა დავრწმუნდეთ, რომ ზოგიერთი ადგილობრივი თემი, რომლებიც ცხოველური წარმოშობის პროდუქტებს გვაწვდიდა, მზად არის გახდეს ვეგანი. გვინდა დავრწმუნდეთ, რომ რაც შეიძლება მეტი ადამიანი არის მზად ცვლილებებისთვის.

ჩვენ ვაპირებთ მოგაწოდოთ სიახლეები ჩვენი პროგრესის შესახებ და გაგიზიაროთ რამდენიმე ისტორია ჩვენი განვლილი მოგზაურობებიდან.

ამასობაში, ჩვენ ვაპირებთ გავაგრძელოთ ის, რაც ანიტამ დაიწყო. ამიტომ, შენ შეგიძლია მშვიდად იყო და იგრძნო თავი დაცულად და ინფორმირებულად. დეტალებზე ჩვენ ვიზრუნებთ. ამის მიზანი არაა, რომ ჩვენს სიკეთეში დაგარწმუნოთ, არამედ ის, რომ ვეგანურობა მართლაც სწორი და ჰუმანური არჩევანია ყველასთვის.

* 2023 წლის დეკემბრისთვის, ჩვენი მიზანია პროდუქციის ყველა ფორმულა დამოწმებული იყოს ვეგანური საზოგადოების მიერ. შესაძლებელია, ძველი ფორმულები, რომლებიც ჯერ არ არის დამოწმებული ვეგანური საზოგადოების მიერ, გარკვეული დროით კვლავ იყოს წარმოდგენილი ბაზარზე.