როგორ გამოვიყენოთ ტანის სკრაბი

გაიგე, როგორ გამოიყენო სკრაბი, რატომ არის ეს პატარა, მაგრამ ძალიან ეფექტიანი რიტუალი და როგორ დაგეხმარება ზაფხულისთვის მომზადებაში.

ვინც ფიქრობს, რომ სკრაბი მხოლოდ თანამედროვე „სილამაზის ტენდენციაა“, ძალიან ცდება. ჯერ კიდევ უძველეს ეგვიპტეში იყენებდნენ სხეულის სკრაბებს! ისინი სურნელოვან ზეთებსა და ბუნებრივ ნაწილაკებს აერთიანებდნენ, რომ კანი რბილი და ელასტიური ყოფილიყო.

ასე რომ, რას ელოდები? დროა „ეგვიპტელივით გაისკრაბო“ და საკუთარ თავს დაუბრუნო ბზინვარება.

სკრაბი არის მარცვლოვანი ტექსტურის მქონე პროდუქტი, რომელიც ნაზად, მაგრამ ეფექტურად აშორებს მკვდარ უჯრედებს. მიუხედავად იმისა, რომ კანი ბუნებრივად ახდენს განახლებას, სკრაბი ამ პროცესს აჩქარებს და გეხმარება, რომ შედეგი ბევრად სწრაფად დაინახო.
გარდა ამისა, სკრაბი:

• ხელს უშლის ჩაბრუნებული თმის გაჩენას;
• ასუფთავებს ფორებს;
• კანზე ტოვებს თანაბარ და გლუვ ტექსტურას;
• ქმნის ზრუნვის და განახლების შეგრძნებას.

მგრძნობიარე, მშრალი კანი - სცადე ნუშის რძის სკრაბი: ძალიან ნაზი და საოცარი სურნელით.

ძალიან მშრალი კანი – შიის სკრაბი: ინტენსიური მოვლისთვის, 95%-ით ბუნებრივი ინგრედიენტებით.

მშრალი კანი – ავოკადოს სკრაბი: მდიდარი, კრემოვანი ტექსტურა, რომელიც კანს აძლევს ნაზ და გლუვ იერს.

​ნაბიჯი 1: მოამზადე კანი
​მიიღე თბილი შხაპი ან აბაზანა – სითბო ფორებს გახსნის და სკრაბი უკეთესად იმოქმედებს.
​ნაბიჯი 2: წაისვი სკრაბი
​სველ კანზე წრიული მოძრაობებით დაიმასაჟე მკერდი, მუცელი, ზურგი, ხელები და ფეხები.
​ნაბიჯი 3: აქსესუარების დამატება
​გინდა მეტი ეფექტი? გამოიყენე სხეულის ჯაგრისი ან ამქერცლავი ხელთათმანი. უბრალოდ ნაზად იმოძრავე, რომ კანი ზედმეტად არ გაღიზიანდეს.
​ნაბიჯი 4: ჩამობანა
ჩამოიბანე თბილი წყლით, ფრთხილად გაიმშრალე და შემდეგ აუცილებლად წაისვი დამატენიანებელი ლოსიონი. შენი კანი სასიამოვნოდ რბილი და გლუვი გახდება.​

სკრაბი ყოველდღიური მოვლის ნაწილი არ არის. საუკეთესო შედეგისთვის გამოიყენე 2–3-ჯერ კვირაში.
• ცხიმიანი ან გამონაყარზე მიდრეკილი კანისთვის – ოდნავ უფრო ხშირად.
• ძალიან მშრალი კანისთვის – ნაკლებად ხშირად.
მთავარია, მოუსმინო საკუთარ კანს.